برمجة موقع واجبات بسيط! الوصف أدناه + مثال ..

جافا سكريبت برمجة قواعد البيانات جافا سكريبت برمجة قواعد البيانات

السلام عليكم ورحمة الله وبركاته .. الموقع ليس للدر المالي فقط - يوجد به دروس خصوصية مجانية .. ولكن فيه جزء مالي وليس شركة - هو لفرد انا طبعاً .. انا اخطط اسوي موقع خدمات طلابية شامل كامل والكامل وجه الله وابحث عن شغل احترافي خالي من الاخطاء .. الفكرة ي أحبتي كالتالي: موقعي يكون خدمة وسيط بين المعلم والطالب .. يكون فيه فئات للعضويات بصلاحيات مختلفة (معلم-طالب-مشرف-مدير) .. القسم الاول: يكون قسم حل الواجبات .. بحيث الطالب يسجل .. يكون له لوحة تحكم خاصة .. يضيف فيها بياناته ويعدلها (اسمه - ايميله - حساباته البنكيه) - رسايل خاصة - لوحة لإدارة مشاريعه او واجباته .. ينشيء الواجب - يدخل عنوان - والملخص اللي هو زبدة الواجب او البحث - يختار من قائمة تخصص المادة - ويحط تاريخ ووقت للوقت اللي يرغب فيه بالتسليم وينشيء الواجب ويكون له رقم خاص ID .. بعد انشاء الواجب .. يكون عند المعلمين تنزل الواجبات حقت جميع الطلبة بشكل كامل (الطلاب لا بس لهم خاصية يشوفون واجباتهم) - المعلم له الخاصية انه يطلع على واجبات جميع الطلاب ويقدر يسوي Bid عليها .. مع أكثر من Bid - الطالب يقدر يختار أي عرض يعجبه ويسوي Assign للعرض اللي يعجبه - ويتم الدفع حسب خيار الدفع اللي يناسب الطالب والمعلم .. طبعاً بعد الدفع - يكون المبلغ محجوز في حساب الموقع - لحين تسليم الواجب - عند تسليم الواجب يقدر الطالب يقيم المعلم من 1-10 ويكتب تعليقه ورأيه (تكون واضحه في صفحة المعلم الخاصة بحيث كل معلم له تقييم وصفحة خاصة يشوفونها الطلاب جميعاً) - بعد التقيم يتم فك/تحرير المبلغ .. يقدر المعلم يسوي استرجاع للمبلغ للطالب .. ايضاً .. يكون فيه خدمة محادثة مباشرة في الموقع تظهر للطالب الواحد ويكون فيها جميع المعلمين .. بوابات الدفع تكون باي بال - سداد (السعودية) - ابي طريقة مدري اذا هي موجودة او لا (سحب مباشر من خلال الحساب الجاري - مثلاً: حساب الراجحي يدخل الطالب رقم بطاقته او حسابه وينسحب المبلغ زي الحوالة البنكية بس من الموقع علطول من دون يروح الصرافه وكذا) .. القسم الثاني: يكون فيه قسم دروس خصوصية اون لاين - بحيث الطالب يقدر يتواصل مع المعلم صوتياً أو صورياً .. يمكن تقدر تقول زي الـ Inow .. طبعاً نفس نظام الطلبات - يكون فيه الطالب ينزل درس خاص مطلوب والمعلمين يشوفون او يطلب من معلم بالخصوص درس خاص معين - ويتم التواصل بينهم والتواصل عن طريق الموقع بفتح شاشة للتواصل ويكون اختيارياً يا فيديو او صوت فقط .. القسم الثالث: خدمة التدقيق في البحث العلمي .. هالخدمة موجودة فعلياً لكن بالإنجليزي فقط بإسم TurnitIN وهي انك ترفع ملف مثلاً واجب او بحث علمي بصيغة الوورد مثلاً وهو يبحث لك في الإنترنت كله او في المجلات العلمية اون لاين عن اي نص مشابه عشان يطلع مصدر الكتابة اذا كان غش او لا .. واذا فيه شيء متشابه مثلاً 7 كلمات ورا بعض نفس الشيء - بيطلعها عليها تحديد Highlight .. وفي الاخير بيعطيه نسبة مؤوية بكم نسبة الغش .. طبعاً .. هذا بيكون موقع على الكمبيوتر - انا ابي نسخة ايضاً من السابق كله تشتغل على الاجهزة الذكية واللوحية مثل: الجوالات (ايفون - جالكسي) ايباد وهكذا .. ويكون التصميم والتركيب في كل الاحوال مريح - سهل - بسيط - فعال - خالي من الاخطاء. أهم نقطة في الأمر - راح يكون فيه حساب باي بال - (الراجحي مثلاً) - بحيث اي عمليه في الموقع يكون لي نسبة منها علطول .. مثال: الواجبات والبحوث العلمية: قيمة الواجب 150 ريال - نسبة ربحي نقول 15% - تصير كالتالي: 22.5 ريال لي 127.5 ريال للمعلم .. ويكون هذا بشكل تلقائي يعني بدون تدخل يدوي .. مثال للموقع: http://www.acemyhomework.... بالنسبة لعروضكم .. أفراد وشركات مرحب بكم جميعاً .. رجاء - كل شيء واضح - يعني بدون فلسفة ونسخ ولصق خصوصاً الشركات .. الكلام كثير ولا الفكرة سهلة لذلك بلا مبالغة في الأرقام .. (برمجة)