تفاصيل المشروع

السلام عليكم احبائي كما هو موضح في عنوان العرض فكرة التطبيق غير معقدة هو عبارة عن تطبيق لحجز عقارات : القسم الاول صاحب العقار شخص عندو عقار حلو ممكن انو يأجروا بغرض التصوير فيه وبنزل عقاروا للايجار لمدة ساعة او ساعتين او يوم يعني في عندو خيارات.... وطبعا امكانية وجود خاصية انو هالعقار متاح او لأ والشخص ممكن يحدد تاريخ للحجز وايمت متوفر وطبعا امكانية تنزيل وصف كامل عن العقار وفيديو للعقار وصور (هون يكون في خاصية انو التطبيق مايقبل صور منخفضة الجودة) ويحدد انو هاد يصلح لتصوير مقاطع مسلسل او لجلسات تصوير شخصية او كابلز مثلا واكيد تحديد المنطقة على الخريطة. ويحط شروط انو الاشخاص لازم يتركوا المكان نضيف مثلا وفي حال كسر اي شيئ يدفعوا غرامة قدرها مبلغ معين....الخ. وطبعا في تفاصيل تانية شبيهة بهي التفاصيل المذكورة. متل نظام التقييم وغيرها القسم الثاني زوار التطبيق: وكل الاشخاص ممكن يدخلوا على هذا التطبيق وعندون خيارات فلترة للعقارات حسب المنطقة والسعر والتقييم ويختاروا العقار اللي بدون ياه ويتموا عملية الحجز ضمن التطبيق والدفع ضمن التطبيق رح يكون. وايضا رح يكون صاحب الطبيق مستفيد بنسبة معينة كون عملية الحجوزات عم تصير على تطبيقوا (يعني هو الوسيط) شي اشبه بموقع مستقل وup work لكن على نظام تطبيق وعقارات مع امكانية تطويروا بالمستقبل حتى يصبح خدمات ايضا هذا مهم.... والتطبيق في اميركا وكندا وشبيه كتير بــــ airbnb واكيد الحماية والسكيورتي مهمين جدا جدا ولوحة تحكم للادمن للتحكم بكامل جوانب التطبيق ولوحة تحكم لعارض العقار ولوحة تحكم للزائر .ويفضل ان تكون لارافيل وربطها مع التطبيق عبر api.... مجرد اقتراح إن كان لديكم طرق افضل ارغب بسماعها ايضاً. مهم جدا معرض الاعمال وخبرة العمل الفعلية المقدمة من خلال معرض الاعمال مهم ذكر اللغة التي سيتم العمل عليها الميزانية قابلة للنقاش بشكل منطقي لاتعطني اسعار مريخية ولا اعطيك اسعار بخسة تحديد مدة الدعم الفني المقدم ضمن العرض المقدم ان كان لديك اي استفسارات يرجى ذكرها المشروع غير قابل للتجارب او الاستعجال في تقديم العرض دون تأكدك من تنفيذ المطلوب لان جهدك لا يقدر بثمن وايضا مشروعي في حال لم يتم تنفيذه بالشكل المطلوب سأكون في غاية الاستياء

انشاء تطبيق android & ios

نقاط الجدية مشروع جاد