بناء صفحة فورم مخصص بقوالب تعديل ورفع

تصميم مواقع برمجة قواعد البيانات برمجة تصميم موقع إلكتروني تطوير البرمجيات برمجة مواقع CSS HTML تصميم مواقع برمجة قواعد البيانات برمجة تصميم موقع إلكتروني تطوير البرمجيات برمجة مواقع CSS HTML

سلام عليكم مطلوب مبرمج او تقني لبناء صفحة فورم مخصص بقوالب تعديل ورفع الملفات مخصص لموقعنا ومربوطه بالدومين حقنا او دومين مخصص لنا بحيث يستطيع العميل بعد الطلب من موقعنا يرفع ملفاته بشكل سلس ويعدل عليها راح اضيف صور تشرح الفكره ومربوط بتطبيق مندي او اي تطبيق لادارة المهام احنا سوينا فورم ولكن مو عملي ولا واضح https://3057sc6culw.typef... يفي بالغرض لكن نحتاج نبني شي من الصفر يناسب متطلباتنا وبنفس الية عملنا ---- راح اكتب الية عملنا الان : احنا طبعا مطبعة الكترونية وفيها منتجات كثير تحتاج اعادة تصميم حاليًا ايش نستخدم احنا ؟ سلة مميزاته انه واضح للعميل ويظهرله حالة الطلب مقسم لاقسام حسب مراحل العمل عندنا وهي: مراجعة / تجهيز / تأكيد / تنفيذ المراجعه هي مرحلة تدقيق للطلبات لان بعضهم يطلبون مطبوعات ومايرفقون التصميم او يوضحون المطلوب وعشان كذا نحتاج الفورم نرسله له هو يجهز ملفاته بشكل مرتب وتقلل الخطوات مثل هذا الرابط بس بمنتجاتنا وسهله منتجاتنا كلها فلات غالبا وفيه موكب لها https://sparknow.com/crea... ثم تنقل الى تجهيز هنا دور فريق التصميم ينفذون الطلب ، واذا خلاص كل شي واضح ينقل للتنفيذ اذا العميل يحتاج تأكيد على تصميمه قبل الطباعه ينقل الى قسم التأكيد ثم الى التنفيذ حلو ؟ حلو هذي المراحل بكل بساطة الي نمشي عليها، لكن فيه اشياء ثانيه في الكواليس وهي الي نحتاج بطريقة ما اننا نرتبها في داشبورد بدومين خاص فينا ويكون مربوط بسله بحيث تتغير الحاله هناك تلقائي من بعض المشاكل : فيه عملاء يواجهون مشكله في رفع الملفات وبعضهم اصلا مايرفعون شيء خير شر لازم نكلمهم وناخذه منهم وهالخطوة تعطل خدمة العملاء ---- فطلعنا رابط وهو هذا ممكن تجربه فضلًا https://3057sc6culw.typef... يستخدم لرفع الملفات وكتابة الملاحظات > اوتوماتيك للاكسل > اوتوماتيك لمونداي عن طريق ميك فصار عندنا مكانين لتجميع ملفات العملاء فيه عملاء الي وصلهم الرابط (رسلناه لمجموعه فقط ووقفنا للاختبار) والعملاء الي دايما تدخل معلوماتهم بقروب تلقرام وهذا سبب تشتيت فيه ايضًا عندنا عملاء مستعجلين ، فسوينالهم في سلة قسم صاروخ يدخل فيه كل عميل مستعجل فصار فيه عملاء طبيعيين وعملاء صاروخ عملاء الصاروخ احيانا مع الضغط يفقد اهميته فيبقى العميل لما يكلمنا طبعا في سله يترتب العملاء حسب الاقدميه مو الاهميه حاولت اشوف طريقه ادخل فيها العملاء لمونداي بحيث كل طلب يصير صف في مونداي بس ماضبط فنحتاج هالشيء، العميل يظهرلنا كصف ، زائد ايش المنتجات حقته مع مربع اذا نفذت هالمنتج احط صح ️ لما يكتمل الصح عند منتجاته ينتقل تلقائي لقسم التنفيذ وهكذا يكون ترتيب العملاء بالاقدميه ونقدر نرفع الاهميه فوق فيه منتجات معينه عندنا تاخذ وقت اطول فممكن هذي تدخل في البرمجة بطريقة ما وبعدها اخر شي الي هو مرحلة الطباعه نعتمد عالرفع اليدوي للدرايف بس في الدرايف يطبعون دايما الملفات الي تجي بترتيب عشوائي حسب الاقدميه بينما مثلا عميل كل ملفاته جاهزه ماعدا ستيكر مثلا، يبقى هذا الستيكر ينتظر دوره في الدرايف لما يوصلون له فلو فيه طريقه ان نفس هذا الداشبورد يظهرلهم ان هالعميل باقيله منتج واحد ويخرج فيصير هو اهم شيء هذي ابرز النقاط الي دايمًا تصير في العمل والي نبغاها تكون منظمه في داشبورد واحد، فايش ممكن يخدمنا؟ اخيرا واسف ع الاطاله بس عشان اللي بيمسك المشروع يكون واضح له كل شي وضروري اجتماع معاه عن بعد زوم او تيمز او يجينا الشركة لو في نفس المدينة